Ngidentifikasi Unsur Kebahasaan Teks Palapuran Kegiyatan

Ukara Andharan lan Ukara Camboran

Ukara Andharan
Ukara andharan yaiku ukara kang ngandharake sawijining kadadeyan utawa prekara marang wong sing diajak guneman. Babagan sing digunem upamane : nyritakake bab-bab kang mentas dirungu, diwaca, dideleng, rinasa, menehi wawasan, pitutur, nirokake gunem lan liya-liyane.

tuladha :
1. para siswa anyar seneng atine nalika nindakake outbond ing wayah MOS.
2. MOS didhakake sasuwene telung dina.

Ukara Camboran (kalimat majemuk)
ukara camboran, yaiku ukara sing dumadi saka ukara lamba loro utawa luwih kang digandheng dadi siji.

Ukara Camboran kaperang dadi 3, yaiku :
a. ukara camboran sejajar
    ukara camboran sejajar, yaiku ukara kang dumadi saka ukara lamba loro utawa luwih kang siji-sijine ukara mau isih medheg dhewe-dhewe serta surasaning ukara-ukara mau ana gandheng cenenge.

tuladha : 
Adhi lagi dolanan, bapak maca koran, dene aku sinau nembang.

b. ukara camboran raketan
    ukara camboran raketan, yaiku ukara camboran kang kadadeyan saka ukara lamba sing diraketake, kanthi ngilangi gatra/tembung sing padha dijupuk salah siji.
tuladha :

• aku macak.
• aku budhal sekolah.

--> Aku macak banjur budhal sekolah.

c. ukara camboran susun
ukara camboran susun, yaiku kang ukara-ukara lambane duwe sifat wengku winengku, utawa ukara kang salah siji gatrane dimekarake. tegese ana sing dadi ukara babon (induk kalimat) kang diterangake ukara pang (anak kalimat). ukara babon awujud klausa inti yen ukara pang ora kalebu klausa inti.
tuladha :

• aku ora sida dolan.
• pakdhe lagi rawuh.

--> Aku ora sida dolan amarga pakdhe lagi rawuh.